Psicoloxía perinatal
Acompañamos a saúde mental e emocional das mulleres e das familias durante o embarazo, o parto e os primeiros anos de crianza.
A psicoloxía perinatal é unha especialidade centrada en previr, acompañar e intervir no benestar psicolóxico ao longo de todo o proceso de maternidade e paternidade: desde o desexo de concibir ata a adaptación no posparto.
¿Por qué é importante?
A chegada dun fillo supón unha transición vital profunda, con cambios físicos, hormonais, emocionais e relacionais. Nesta etapa é habitual sentir medos, incertezas ou sobrecarga. O noso servizo ofrece un espazo seguro de apoio, escoita e orientación profesional.
Dende a psicoloxía perinatal acompañamos en:
- Medo ao parto e preparación emocional para a maternidade
- Perda xestacional e dó perinatal
- Ansiedade ou depresión durante o embarazo ou posparto
- Experiencias traumáticas no parto (violencia obstétrica, cesáreas de urxencia, complicacións médicas)
- Dificultades no vínculo e no apego co bebé
- Acompañamento a pais e nais de bebés prematuros
- Adaptación da parella e transición familiar no posparto
- Mulleres con historia de abuso sexual
- Dificultades emocionais na crianza
Un acompañamento integral durante o embarazo, o parto e os primeiros anos de crianza.
Ofrecemos un enfoque emocional, relacional e funcional, centrado no benestar da nai, do bebé e da familia, para favorecer unha experiencia de maternidade e paternidade saudable e consciente.